Kryetari i Partisë Demokratike, Sali Berisha ka denoncuar manipulimin, që sipas tij po bën kreu i SPAK, Altin Dumani për dosjen e Monika Kryemadhit, në kuadër të hetimeve ndaj saj dhe presidentit të PL-së, Ilir Meta.
Përmes një reagimi në rrjetet sociale, Berisha, bashkangjitur një pjesë nga dosja e Kryemadhit, shkruan se komunikimin mes deputetes së PL dhe kushëririt të saj, Shatkun, Dumani e përdor si dokument për të akuzuar Kryemadhin si të korruptuar, rezulton në fakt që vetë kreu i këtij korruptimi është Edi Rama.
“Midis atij që bën dhe atij që fsheh, pra midis Nuros që rrëfen krimet dhe Altinin që fsheh krime padyshim më me kakarkter është i pari se sa i dyti, pra Nuredini se sa Altini”, shkruan ndër të tjera Berisha
Reagimi
Krahasoni dy Dumanët.
Midis atij që bën dhe atij që fsheh, më i ligu është ai që fsheh!
Miq, mos humbisni rastin e lexoni paragrafin në dokumentin e mëposhtëm dhe krahasoni Dumanët:
1- Nuredinin që ka bërë dhjetra krime, por i ka treguar ato, me…
2-Altinin e “ligjit” që fsheh dhjetra krime dhe lëpin këpucët e Edi Ramës!
Dokumenti i mëposhtëm tregon kominikimin midis Monika Kryemadhit dhe Shatkut të cilit ajo i shkruan se kishte takuar Ramën dhe se ai i kishte thënë ta bënin urgjentisht. Nuk dihet se çfarë por që Shatku i thotë Monikës se ky është lajmi më i mirë i vitit. Këtë komunikim të Monikës me Shatkun, Altini e përdor si dokument për të akuzuar Monikën si të korruptuar nga Shatku kurse Ramën, që i kërkom Monikës që ta bënin urgjentisht, se çfarë nuk dihet, por që Shatku e quan lajmin e vitit, nuk guxon ta pyes një herë të vetme për dhuratën e vitit që i bëri Shatkut. Për çdo njeri që ka një nanagram integritet në rast se bëhet fjalë për një akt korruptiv Shatku-Kryemadhi-Rama kreu është Rama!
Miq, midis atij që bën dhe atij që fsheh, pra midis Nuros që rrëfen krimet dhe Altinin që fsheh krime padyshim më me kakarkter është i pari se sa i dyti, pra Nuredini se sa Altini.
Discussion about this post