Këngëtarja e njohur Dafina Zeqiri kurorëzon dashurinë me biznesmenin Kreshnik Gjergji

Këngëtarja Dafina Zeqiri dhe biznesmeni Kreshnik Gjergji, kanë kurorëzuar mbrëmjen e së shtunës dashurinë e tyre me një dasmë madhështore.

Dyshja kanë bërë hyrjen në sallën e restorantit ku është mbajtur cermonia e dasmës së tyre.

E veshur me fustan nusërie, Dafina duket përrallore, ndërsa shumë të njohur bgfa bota e artit dhe muzikës kanë marrë pjesë në natën më të rëndësishme për këngëtaren.

Në këtë mbrëmje të shënuar për të, Dafina ka zgjedhur një fustan elegant nusërie, me një vello madhështore të gjatë me detajin e luleve dhe kurriz të hapur.

VIP-at që po festojnë sonte në mbrëmjen kushtuar dashurisë së Dafinës dhe Kreshnikut janë Ylli Limani, Festa Qoqaj, 2 Ton, Emina Cunmulaj, Remzie Osmani Osmani, Ronela Hajati, nëna e Rita Orës, e shumë artistë të tjerë nga Shqipëria e Kosova.

Në dasmën e Dafinës e pranishme është sonte edhe ish-presidentja e Kosovës Atifete Jahjaga.

Kujtojmë se Dafina është në lidhje me Kreshnik Gjergjin prej më shumë se një viti dhe propozimin për martesë e ka marrë me 14 prill.

“Kreshnikun e njoh prej 15 vitesh, e kam shok shumë të mirë, e kam dashur shumë. Ai ka qenë gjithmonë aty për mua. E kam marrë në telefon edhe kur kam qenë zemërthyer. Në asnjë moment nuk e kam ditur që ai ka një pëlqim tjetër për mua. E kam konsideruar si familje, që në fillimet e mia të karrierës. Thonë ndonjëherë që e ke dashurinë e jetës aty, po s’e sheh. Është gjëja më e mirë që më ka ndodhur në jetë. Kur erdhi momenti që u lidhëm, në fillim, isha në shok. Është gjëja më e mirë që ka ndodhur në jetën time. Jam bashkë me shokun tim të jetës, që e di si të më bëjë të lumtur dhe të më mbështesë”, ka thënë në një prej intervistave të mëparshme, këngëtarja.