Humbja tragjike e Shkurt Prengës dhe djalit të tij 3-vjeçar nga aksidenti i shënuar në Rrugën e Kombit ka shkaktuar shumë trishtim në rrjet e veçanërisht nga të afërmit e viktimave. Të prekur nga kjo tragjedi miqë dhe të afërm kanë postuar fotot e babait dhe birit të ndjerë shoqëruar me fraza prekëse, ku hedhin në fjalë dhimbjen e lënë pas.
“E pabesueshme. Qofsh i parajses shoku im Shkurt Prenga bashkë me djalin tënd. Zoti i forcoftë familjen tënde”.
“O Zot, sa e padrejtë kjo jetë. Ike në lule të rinisë mor shoku Shkurt Prenga. Edhe vogëlushi juaj, nuk mundi të mbijetonte qofshi mirë me Zotin, ngushëllime Familjes”, shkruan një tjetër.
Ndërkohë nëna e 3-vjeçarit, Fabiola Prenga është transportuar në Spitalin e Traumës në Tiranë për të marrë ndihmë mjekësore të specializuar, teksa gjendja e saj paraqitet mjaft e rëndë.
Discussion about this post