Gjykata Penale e Brukselit dënoi dje 119 persona si pjesë e gjyqit “Sky ECC”, një nga rastet më të mëdha të drogës në Belgjikë, me dënime nga 14 deri në 17 vjet burg dhe konfiskime masive.
Në total, gjykata penale e Brukselit dha rreth 700 vite burg dhe urdhëroi konfiskimin e rreth 60 milionë eurove, pa llogaritur bonot që do të mbeten në duart e gjykatave.
Gjyqi Encro ka të bëjë me një organizatë të madhe kriminale të çmontuar falë goditjes së policisë së shërbimeve të mesazheve të koduara Encrochat në 2020 dhe Sky ECC 2021.
Mes personave nën hetim, Prokuroria gjykoi edhe katër kompani.
119 persona u shpallën fajtorë për akuza të ndryshme, nga pjesëmarrja në një organizatë kriminale, trafik droge dhe armësh e deri te tentativa për zhvatje e deri tek rrëmbimi.
Drejtësia belge ka kërkuar gjithashtu arrestimin e 58 personave, të cilët deri tani ishin hetuar në gjendje të lirë. Dyshohet se këta persona, mes të cilëve shumë shqiptarë, mund të arratisen ose të kryejnë sërish vepra penale.
Konfiskimet kapin pjesë e fitimeve të nxjerra nga trafikantët kur shesin kokainë dhe kanabis në Evropë, por këto fitime shpesh janë riinvestuar në pasuri të paluajtshme, veçanërisht jashtë vendit. Belgjikës do t’i duhet të rikuperojë paratë nga shitja e ndërtesave.
Discussion about this post