Shkodra është tronditur nga një atentat të ndodhur në zonën e Dobraçit, duke lënë pas dy të vrarë dhe dy të plagosur rëndë pasditen e sotme
Nga informacionet e para viktimë ka mbetur vëllai i Ibrahim Licit, dhe një grua kalimtare. Ndërsa janë plagosur rëndë Arlind Bushati, djali Xhemal Bushatit, ish-kandidati i PD për kryebashkiak dhe bashkëshorti i kalimtares që humbi jetën.
Ngjarja e rëndë ka ndodhur të ‘5 Heronjtë’ në zonën e Dobraçit.
Persona ende të panjohur kanë qëlluar me breshëri plumbash drejt një ‘Benzi’ në lëvizje me targa kroate ku lëviznin Arlind Bushati dhe Hazma Lici ndërsa çifti i bashkeshortëve është përplasur nga makina.
Ndërkohë çifti i bashkëshortëve të cilët ndodheshin në një motor, kanë qenë aty rastësisht.
Dyshohet se ka pasur shkëmbim me armë zjarri mes dy makinave.
Kallëzimi
Arlind Bushati, 32 vjeç pak ditë më parë denoncoi në polici se është kërcënuar me armë zjarri në pedonalen e Shkodrës.
Ngjarja ndodhi në mbrëmjen e 10 tetorit, ku sipas denoncimit të 32 vjeçarit në polici, dy persona të paidentifikuar i kanë drejtuar armën në afërsi të një lokali në pedonalen e Shkodrës. Sot ndaj tij dhe ndaj viktimës Hamza Lici u qëllua me breshëri plumbash në lagjen Dobraç.
Reagimi i opozitës
Gazment Bardhi reagon për atentatin në Shkodër.
“Në Shkodër, në mes të qytetit, ndodh një atentat mafioz me disa të vrarë dhe disa të plagosur, ngjarje që nëse Policia do ishte e fokusuar në punën e saj mund dhe duhet të ishte parandaluar. Ndërkohë, Policia e Shtetit është e zënë me përndjekjen politike të çdo kundërshtari të Edi Ramës, deri në absurditetin e “arrestimit” edhe të makinave. Është një akt kriminal nxjerrja e Policisë së Shtetit jashtë funksioni! Kjo sjell cenim të sigurisë publike dhe akte si kjo e sotmja. Policia që supozohet të luftojë krimin, është shndërruar në mbrojtëse e krimit dhe në vegël në dorën e tij për të goditur opozitën!”, deklaron Bardhi.
gijotina.com/
Discussion about this post