Egnatia i ka dhënë fund krizës së saj të rezultateve, pasi kishte tre javë pa fitore. Suksesi i rrogozhinasve ka ardhur sot pikërisht përballë skuadrës të cilën nuk e kishte mundur asnjëherë në fushën e vet, Tiranës, duke i zhytur bardheblutë edhe më thellë në luftën për mbijetesë në Superiore.
Kampionët në fuqi dominuan plotësisht takimin, duke mos qenë thuajse asnjëherë në vështirësi në prapavijë, teksa kërkuan të gjenin hapësirat për të shënuar në portën e Selmanit.
Megjithatë, në fund u desh të kënaqeshin vetëm me golin e Ndrecës në pjesën e parë, që u mjaftoi për të marrë tre pikë të rëndësishme për renditjen.
Nga ana tjetër vijon kaosi te Tirana të cilët marrin kështu humbjen e dytë radhazi pas asaj me Vllazninë. Bardheblutë momentalisht renditen të shtatët por rrezikojnë të zbresin në zonën e ftohtë nëse Skënderbeu fiton apo së paku i merr një barazim Vllaznisë.
Discussion about this post