Deputeti i PD, Bledjon Nallbati ka ironizuar me kolegun e tij të mazhorancës, Toni Gogu, që akuzoi opozitën për seancat e kaosit, ku u rrezikua jeta e deputetëve dhe atij vetë.
Nallbati ironizoi Gogun duke i thënë “shyqyr që shpëtove” apo se “të gjendem pranë në këto momente”.
Ligjvënësi demokrat më tej akuzoi mazhorancën për vjedhjet e koncesioneve apo prokurimeve, si tenderët e rrugëve.
Sipas Nallbatit mazhoranca socialiste ka vjedhur edhe me karriget që dogji opozita disa javë më parë.
“Së pari nuk mundem dot që të mos gjendem pas Tonit, që u ndje i rrezikuar tmerrësisht nga dhuna e deputetëve të opozitës, kështu që Toni shyqyr që shpëtove.
Ti dhe gjithë pjesa tjetër andej, por kryesisht kjo pjesa përballë nuk jeni të rrezikuar nga ne, por nga çuditë, hajdutëritë që keni bërë, nga vjedhjet që keni bërë 12 vite rresht.
Rrezikun e keni nga vetja dhe ai që mungon atje, i cili sa herë zgjohet hedh nga një short, se cilin do të flak të parin dhe kujt i vjen fjala për burg.
Ju që keni përdhunuar kushtetutën disa herë në këtë sallë parlamenti, merrni guximin dhe na flisni për ligj. Kjo është skandaloze.
Kam dëgjuar kaq kohë që iu është dhimbsur kaq shumë, shkatërrimi i pronës socialiste, karriget. Por nuk ju janë dhimbsur aspak milionat e inceneratorëve, energjisë, të rrugëve nga 20 mln euro kilometri. Këto nuk janë pronë socialiste. Ato mund ti vidhni si të doni, karriget u janë dhimbsur shumë.
Na i faturuar nga 2 mln karriget, ne i dëmtuam ne do t’i paguajmë.
Problemi është se kur erdha këtu sot, gjeta prapë një karrige tjetër.
Edhe këtë e vodhe? Edhe këto i vodhe prapë. Po mos u ngopshi dhe ju zënçin fytin’, tha Bledion Nallbati në sallën e parlamentit.
Discussion about this post