Deputetja e Partisë Demokratike, Jorida Tabaku i kërkoi kryetares së Kuvendit, Elisa Spiropali që të sillet në lartësinë e detyrës.
Në fjalën e saj në Kuvend, deputetja e PD u shpreh se konflikti në Kuvend nisi nga deliri i madhështisë i Spiropalit për të sulmuar deputetët.
“Jepi hapësirë opozitës dhe mbaj vendin që të takon. Përndryshe ky parlament ka parë kryetar parlamente që shkojnë dhe vijnë, dhe besoj që do jesh në shembullin e atyre që do largohesh me kokën ulur kështu siç po sillesh”, tha Tabaku.
Tabaku: Vini gishtin kokës, sepse nuk mund të zaptoni çdo hapësirë. Ju vini me fjalime të kopjuara në Kuvend. Nëse doni respekt, na respektoni. Përndryshe opozita do të protestojë. Rregullat e njëanshme shkoni vendosni atje në PS, këtu secili të japë kontributin e vet.
Spiropali: Unë e kuptoj vështirësinë politike ku ndodheni. Por atë barrë mos e hidhni mbi Kuvendin. Hapësirën nuk ua ngushton njeri. Kemi ndërmend të shtrojmë rrugën e Shqipërisë drejt BE-së.
Tabaku: Ngrihu në lartësinë e detyrës të mos e kthejmë parlamentin në një seksion të PS, hapësirën time e fitoj vetë s’kam pse e zgjidh në Parlament, unë fjalëve të mia i qëndroj në çdo platformë keqpërdorimi që po të bëjnë. Nisi prej delirit të madhështisë tënde, jepi hapësirën që i takon opozitës, mbaj vendin që të takon, do jesh në shembullin e atyre që do largohen me kokën ulur.
Spiropali: Hapësirën e keni pasur, e keni dhe do ta keni, kryetarja as nuk thërret policinë, as nuk ngre kangjella, siç e provuam jemi në më shumë se 2 orë dhe opozita e ka marrë të gjithë kohën dhe hapësirën s’kemi pasur ndonjë pengesë këtu, bëni detyrën pa fyer askënd.
Discussion about this post