Plani për të “përmbysur” SPAK-un/ Xhafaj zbulon: Është hartuar drafti 700 faqe, ua kemi dhënë ndërkombëtarëve

Kryeministri Edi Rama zgjodhi Fatmir Xhafajn për të drejtuar Komisionin “Anti-korrupsion”, pikërisht njeriun që ka më shumë arsye ta zhbëjë SPAK-un. Xhafaj është kallëzuar penalisht në SPAK për pastrim të parave të drogës, sepse vëllai i tij ishte trafikant dhe kishte dënim nga Italia.

Tashmë, Xhafaj ka nisur punën e tij.  Xhafaj deklaroi sot se janë thirrur ekspertët e fushave të ndryshme për tu bërë pjesë e komisionit të posaçëm antikorrupsion. Ku përfshihen edhe Avokati i Popullit, por edhe pedagogë të universiteteve që siç zbulon Xhafaj kanë hartuar një draft paraprak 700 faqe dhe më tej parashikohen 12 tryeza dhe forume të dialogut me qytetarë në qendra të qarqeve të vendit, për të zbuluar fenomenin e korrupsionin jo vetëm në qeverisjen qendrore por edhe në atë lokale.

“Ka një draft paraprak 700 faqe, i ndarë në 15 komponente. kemi bërë publike një përmbledhje ekzekutive. Draftin u a kemi dhënë ekspertëve ndërkombëtare. Kemi të atashuar 40 ekspertë ndërkombëtarë, 20 të huaj dhe 20 shqiptarë. Do i kërkojmë të japin koment, vlerësim për analizën. Pasi kemi dëgjuar këto tryeza, mendimin e ekspertëve ky input do merret në draft dhe do bëhet një dokument final, serioz shqiptar. E fotografuam gjënë, këto janë problemet, çfarë duhet për këtë gjë? Si do trajtohet, si zgjidhet kjo?’, pyet Xhafaj.

Nga kjo publikut i lind pyetja nëse duhet ndryshuar atë që është bërë dhe quhet Reforma në Drejtësi?

“Ne kemi këto ligje, cilat janë problemet që kemi. Pse nuk na kanë dhënë zgjidhje. Ligji është i mirë, por janë mekanizmat e zbatimit të ligjit. Mund të ketë nevojë për ndryshimin e institucioneve. Mekanizmat mbikëqyrjes dhe monitorimit të institucioneve, që të kontrollohet ecuria e zbatimit të ligjit”, deklaron deputeti Xhafaj.

“Kemi ngritur SPAK, që merret me luftën ndaj korrupsionit. Po korrupsioni nuk është vetëm çështje penale. Është edukim, parandalim pastaj reagim institucional. Si i bëjmë këto? Nuk kemi qëllim ti çojmë njerëzit në burg. Kemi qëllim ta parandalojmë korrupsionin”, shprehet Xhafaj.

Pra, qëllimi është të devijohet zbatimi i ligjit, dënimi i të korruptuarve të kthehet në çështje edukimi. Në fakt kjo që thotë vëllai i trafikantit është shpikje, sepse jurisprudenca për ata që kryejnë krim ka termin “riedukim” në institucionet përkatëse, që ndryshe quhen burgje.

gijotina.com/