Një denoncim i pazakontë është bërë në Shkodër, ku një i ri ka kallëzuar në Polici bashkëshorten e tij. I riu pretendon se e shoqja i ka ndërhyrë në rrjetet e tij sociale, madje dhe ia ka keqpërdorur.
Më konkretisht, i riu i identifikuar me inicialet V.D., thekson se bashkëshortja i ka përdorur rrjetin “Messenger” për të komunikuar me persona të tjerë. Në këto kushte, ndaj 26-vjeçares ka nisur një procedim penal.
“Një 26-vjeçare me iniciale M.P. (banuese në fshatin Lëpushë) është proceduar penalisht pasi bashkëshorti i saj e ka kallëzuar se ajo ka ndërhyrë dhe ka keqpërdorur rrjetin e tij social ‘Messenger’. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”, njoftoi policia.
Discussion about this post