Është rrëzuar kërkesa e PD për zgjatjen e afatit për komisionin hetimor parlamentar për “check-up” dhe “sterilizimin”. Pasi u hodh në votim, kërkesa e demokratëve nuk mori votat e mjaftueshme.
Kujtojmë se sot është afati i fundit i këtij Komisioni, ndërsa në pritje të vazhdueshme për të dëshmuar ka qenë ish-ministri Ilir Beqaj.
Kujtojmë se ditën e djeshme deputetët anëtarë të opozitës kërkuan dëshminë e Vilma Nushit dhe Edi Ramës, por nënkryetari Ndreca refuzoi pasi, sipas tij, nuk ka lidhje.
Pjesë nga debati:
Edmond Spaho: “S’mund ta mbyllim pa deponimin e Vilma Nushit dhe Edi Ramës. Koncesionet janë dhënë me firmën e Edi Ramës. Pa dëgjuar kryeministrin e pa dëgjuar përfituesen kryesore të koncesionit check up nuk mund ta mbyllim. Propozoj që të enjten të kërkojmë shtyrje të këtij komisioni.
Albana Vokshi: Kam kërkuar tek sekretariati që të vijë dhe Vilma Nushi e Gentiana Peposhi.
Plarent Ndreca: Arsyeja pse nuk thirren Peposhi dhe Nushi nuk kanë lidhje me kontratën e Check up. Aksioner është ‘3P life Logostik’. Nuk mund të thërrasim aksioner të aksionërëve. Nuk është mendimi jot, por është mendimi i Edi Ramës që të mos thërrasësh Vilmën
Albana Vokshi: Janë aksioner të kompanive të kompanisë. Unë gjykoj që Vilma Nushi të vijë këtu. Nuk mbyllet ky komision pa ardhur njeriu kyç
Plarent Ndreca: Nuk kemi objekt veprimtarie aksionerët e aksionerëve të aksionëreve. Se ju keni fiksim një emër të caktuar.
Vokshi: Do ta kemi përballë sesbën. Kemi rënë dakord për të gjithë listën. Vetëm për Edi Ramën nuk ke rënë dakord.
Ina Zhupa: Vilma Nushi ka marrë 1.5 mln euro divident nga ky konçesion, nga paratë publike të shqiptarëve.
Vokshi I drejtohet Ndrecës: Nuk e mbron dot Vilma Nushin.
Zheni Gjergji: Edhe Rama të gjejë guximin të vijë këtu.
gijotina.com/
Discussion about this post