Deputeti demokrat Saimir Korreshi ka kërkuar që Komisioni për Sterilizimin dhe Check Up të shtyhet më shumë duke iu referuar edhe faktit që për një periudhë të gjatë të kohore, deputetët e opozitës nuk u lejuan të ishin të pranishëm në Komision pasi ishin përjashtuar nga Sekretariati i Etikës.
Korreshi kërkoi me humor që Spiropali të thërrasë në komisionin hetimor të shëndetësisë kryeministrin Edi Rama që të dëshmojë duke ironizuar më tej se duhet t’i mësojë sesi të vijnë në pushtet.
Duke folur nga seanca plenare, Korreshi ka ironizuar edhe sipërmarrësen Vilma Nushi, duke e quajtur fukareshë, ndërsa shtoi se Nushi ka marrë 1.7 milionë euro divident.
“Duke qenë se na nisët 40 ditë me pushime në hotel me 5 yje… më shumë dje në Komision lehte avokati sesa Beqaj, ndaj shtyjeni içik atë komision, kur thoni ju ne të shkretët të dështuar se të dështuar jemi. Aman silleni kryeministrin të marrim pak idenë si të kalojmë në pushtet.
A të keqen thirrni dhe atë Vilma Nushin të mësojmë si kalohet nga duhani te ‘Check Up’-i. A të keqen kryetare, unë të falënderoj shumë që na nisët me pushime, por ta shtysh dhe ca ditë komisionin a të keqen. Një lutje nga një opozitar i thjeshtë, fshatar nga Lushjna, 40 ditë që na le atje sikur ta shtysh nuk na bën keq”, theksoi Korreshi.
Discussion about this post