Ra nga pallati, humb jetën fëmija 10 vjeç

Një ngjarje e rëndë ka ndodhur mëngjesin e sotëm te Shkëmbi i Kavajës, teksa një 10-vjeçar ka rënë nga lartësia e një pallati.

Si pasojë e plagëve të marra, i mituri ka ndërruar jetë.

Ndërsa policia bën me dije se grupi hetimor ndodhet në vendngjarje dhe po punon për sqarimin e rrethanave të ngjarjes.

“Rreth orës 09:00, te Shkëmbi i Kavajës, një shtetas 10 vjeç, dyshohet se aksidentalisht ka rënë nga lartësia e një pallati dhe për pasojë ka humbur jetën. Grupi hetimor ndodhet në vendngjarje dhe po punon për sqarimin e rrethanave të ngjarjes”, njoftoi policia.