Të tjera detaje janë zbardhur lidhur me ngjarjen e rëndë që ndodhi sot pranë shkollës “Fan Noli” në qendër të Tiranës, ku një 14-vjeçar humbi jetën si pasojë e goditjes me thikë nga bashkëmoshatarë të tij, ndërsa një tjetër i mitur mbeti i plagosur dhe ndodhet i shtruar në spitalin e Traumës.
Konflikti ka nisur në mjediset e shkollës mes 3 të miturve, nxënës në shkollën “Fan Noli”, por ka ndërhyrë oficeri i sigurisë. Referuar të dhënave, konflikti mes të miturve ka nisur për shkak të rrjeteve sociale.
Oficeri i sigurisë nuk e ka raportuar këtë konflikt mes 3 të miturve në shkollë, duke menduar se ishte mbyllur.
Por një nga autorët e dyshuar ka lajmëruar shokët e tij nga një shkollë tjetër në Sauk të cilët kanë ardhur te shkolla “Fan Noli”. Kur ka përfunduar mësimi të miturit e tjerë kanë pritur shokun e tyre sapo ka përfunduar mësimi dhe kanë pritur kur kanë dalë nga shkolla viktima dhe i plagosuri (shokë me njëri-tjetrin) dhe i kanë sulmuar me thikë.
Policia nuk është njoftuar nga shkolla për sherrin e parë kur ka ndodhur konflikti gjatë pushimit të gjatë në oborrin e shkollës, pasi e kanë shuar aty për momentin duke mos menduar që situata do të rëndohej.
Viktima dhe i plagosuri janë sulmuar fizikisht dhe më pas janë goditur me thikë. Viktima ka marrë 6 goditje me thikë, ndërsa i plagosuri dy goditje. Gjithashtu një prej të miturve që dyshohet se ishte në anën e agresorëve ka mbetur i plagosur në dorë dhe ndodhet në një spital privat për kurim.
Policia ka shoqëruar 5 persona në orët e pasdites, ndërsa autori i dyshuar i krimit është në të njëjtën shkollë me viktimën dhe të plagosurin.
gijotina.com/
Discussion about this post