Tjetër sherr mes të miturve, përfundon në spital 12-vjeçari në Korçë

Një i mitur ka përfunduar në spital pas një konflikti me një bashkëmoshatar, në Korçë.

Policia njoftoi se: Rreth orës 14:00, në fshatin Bulgarec, dy të mitur 12 vjeçar gjatë lojës (futboll), janë konfliktuar me njëri-tjetrin. Nga konflikti është dëmtuar lehtë me gur njëri prej tyre, i cili po merr mjekim në spital pa probleme për jetën. 12-vjeçari tjetër, së bashku me prindin, është shoqëruar në Komisariat.

Grupi hetimor po punon për sqarimin e rrethanave të rastit, shtuan të njëjtat burime.