Tjetër sherr me thika në Tiranë, plagoset një person në “Qytetin Studenti” (Emri)

Një plagosje me thikë raportohet se ka ndodhur këtë mesditë në zonë e Qytet Studentit të Tiranë.

Raportohet se dy persona janë konfliktuar me njëri-tjetrin dhe njëri prej tyre ka mbetur i lënduar.

Po kështu sipas burimeve mësohet se autori i plagosjes është 19-vjeçari Ajdin Ajvazi, i cili është arrestuar nga policia.

Sherri ka ndodhur në ambientet e jashtme të një Fast Food-i, aty ku siç shihet edhe në foton ka shenja të dukshme gjaku.

Ndërkohë, polica ndodhet në vendngjarje dhe ka rrethuar zonën.

Njoftimi i policisë

Më datë 21.11.2024, në Qytet Studenti, në rrugën “Sotir Kolea”, gjatë një konflikti dyshohet se shtetasi A. A., 19 vjeç, ka goditur me mjet të mprehtë shtetasin Aron Demiraj, 20 vjeç, i cili si pasojë është dëmtuar dhe ndodhet në spital, në kujdesin e mjekëve.

Po punohet për sqarimin e rrethanave të ngjarjes.