Protesta te Ministria e Arsimit/ Tezja e vogëlushit të vrarë humb ndjenjat: E çuam në shkollë dhe jo në luftë që të na e therin!

Një incident ka ndodhur këtë të enjte në protestën para Ministrisë së Arsimit, tre ditë pas vrasjes së 14-vjeçarit Martin Cami jashtë ambienteve të shkollës së tij “Fan Noli” në kryeqytet.

Protestës u bashkua edhe tezja e vogëlushit të vrarë, e cila u shfaq në gjendje të rënduar psikologjike. “E çuam në shkollë dhe jo në luftë që të na e therin. Drejtësia të shkojë në vend. Drejtësi, drejtësi”, tha ajo për mediat e përlotur dhe në gjendje të ngarkuar emocionale, para se të humbte ndjenjat.

Qytetarët e pranishëm në protestë i kanë dhënë ndihmën e parë tezës së vogëlushit, para se ekipet mjekësorë ta transportonin me ambulancë në spital.

Lexo edhe:

Vrasja e 14-vjeçarit, prindërit në protestë: Jemi të pasigurt, ministrja të japë dorëheqjen. Fajin e ka regjimi i Noc Rrokut!

Mesazhi i nënës së Martinit në protestë: Ishte i mbushur me ëndrra dhe jetë, ia morën të dyja!

Protesta për vrasjen e 14-vjeçarit, shoqja e klasës së Martinit: Nuk di çfarë turpi kanë ata që e drejtojnë atë shkollë