Të mërkurën, më 27 nëntor, do të mbyllen aplikimet për seleksionimet që Federata e Futbollit do të organizojë gjatë dhjetorit në “Shtëpinë e Futbollit”. Në seleksionime do të marrin pjesë futbollistët e rinj shqiptarë që jetojnë jashtë vendit, në Europë dhe Botë, të vitlindjeve 2007-2011.
Seleksionimet kanë një rëndësi të veçantë, pasi synojnë të evidentojnë talentet kuqezi të së ardhmes që mund të bëhen pjesë e ekipeve kombëtare të moshave.
Deri më tani, interesi ka qenë i madh dhe Federata e Futbollit u bën thirrje të gjithë të rinjve të talentuar që ende nuk kanë aplikuar, të nxitojnë. Kanë mbetur vetëm pak ditë nga afati përfundimtar, i cili është data 27 nëntor.
Për t’u bërë pjesë, mjafton të plotësohet formulari i vënë në dispozicion nga FSHF brenda datës 27.11.2024 dhe të dërgohet në adresën e e-mail-it: [email protected].
Discussion about this post