Mbrëmjen e së hënës u mbajt nata e parë e ‘’Festivalit të Këngës’’, në Pallatin e Kongreseve, ku mes artistëve që performuan ishte edhe këngëtarja Ronela Hajati.
Artistja ka prezantuar këngën e saj ‘’Sekret” dhe para se të performonte në skenë ajo bëri një dedikim emocionues për të atin ku tregoi me nostalgji kohët kur shkonte me të në festival dhe këshillat që i kishte dhënë ai.
“Babi tani që u riktheva në RTSH me vijnë ndërmend kohët kur më merrje me vete në punë. E vogël isha kur më sollët për herë të parë në Pallatin e Kongreseve. Unë fëmija më i zhurmshëm, por këtu bija qetësi. Mbaj mend që më ke thënë ”Artist i vërtetë është ai që përballon skenën e Festivalit”. Prandaj s’kam ardhur pa u ndjerë 100% e sigurt. Ndjej zërin tënd që më thua: “Rronka do ja dalësh!”- tha Ronela duke i emocionuar të gjithë.
Ronela Hajati e ka humbur prej vitesh të atin. Babai i këngëtares është gazetari dhe publicisti i njohur Marash Hajati i cili ndërroi jetë më 28 mars të 2013-ës.
Ronela bëri një performancë të zjarrtë duke ngritur të gjithë publikun në këmbë me duartrokitje. Ajo është një nga pretendentet kryesore për të fituar Festivalin dhe për të përfaqësuar Shqipërinë në ‘’Eurovision’’ .
Discussion about this post