Autori i dyshuar i vrasjes me thikë të Martin Canit pranë shkollës “Fan Noli” në Tiranë do të transferohet në paraburgimin e të miturve në Kavajë.
Më herët Drejtoria e Përgjithshme e Burgjeve ka vënë në dijeni Policinë dhe Prokurorinë e Tiranës një informacion për shkelje ligji për një mjek te spitalit privat ku po kurohej 14-vjeçari. Drejtoria e Burgjeve pretendon se nuk është vënë në dispozicion ekspertiza e të riut.
Ndërkohë, në një reagim, Spitali Hygea ka bërë të ditur se do të ketë një qëndrim zyrtar për pretendimet e Drejtorisë së Burgjeve, ndërsa theksohet se mjeku ka ndjekur të gjithë protokollin, ndërsa epikriza i është vënë në dispozicion, duke mohuar pretendimet e Drejtorisë së Burgjeve.
Më pas, Drejtoria e Burgjeve ka bërë të ditur se ekspertiza e lëshuar nga mjeku ka qenë “mjekim ambulator”.
Martin Cani humbi jetën mesditën e 18 tetorit pasi u qëllua me thikë në bark nga bashkëmoshatari i tij, Mario Përlleshaj. Ngjarja e rëndë ka ndodhur pas një konflikti mes dy të miturve që ka degraduar në përdorimin e thikës.
Mario Përlleshaj dyshohet se ka qenë në klasë paralele me viktimën, në shkollën 9-vjeçare Fan Noli. Konflikti mes të miturve raportohet se ka nisur në oborrin e shkollës, ndërsa ka agravuar jashtë ambienteve të saj. Autori ka nxjerrë thikën dhe ka qëlluar mbi 14-vjeçarin, Martin Cani.
Discussion about this post