Viursi nuk i ka ndalur emigrantët shqiptarë të kthehen në vendin e tyre për festat e fundvitit. Vetëm në Portin e Durrësit raporotohen me mijëra hyrje çdo ditë. Sipas të dhënave nga ky institucion, mbi 29 500 persona kanë hyrë në vend për festat e fundvitit nga ky port në 10 ditët e fundit, ndërsa fundjavat regjistrojnë dhe fluksin më të madh të mbërritjeve në vend nga ky vendkalim kufitar.
Mëngjesin e sotëm kanë mbërritur edhe dy tragetet e linjës së Barit, ndërsa para mesditës pritet të mbërrijë dhe ai i Ankonës. Nga të dhënat statistikore të Autoritetit Portual Durrës, mësohet se në 10 ditët e fundit të këtij viti kanë udhëtuar afro 35 000 pasagjerë, prej të cilëve mbi 29 000 në hyrje dhe pjesa tjetër në dalje. Krahasuar me të njëjtën periudhë të një viti më parë, në vend për këto festa kanë hyrë rreth 12 mijë persona më shumë
Discussion about this post