Lukaku ishte emri kyç në fitoren e Chelsea ndaj Aston Villas, me belgun që luajti 45 minuta, shënoi gol dhe shkaktoi penallti.
Megjithatë, ndonëse forma dukej shumë e mirë, ky nuk është një nga momentet më të mira për sulmuesin, i cili nga deklaratat e fundit lë të kuptohet që ka tension në marrëdhënien e tij me trajnerin Thomas Tuchel.
Ish-ylli i Inter nuk e fsheh që nuk është rehat me situatën e tij dhe e ka pranuar se tashmë ia ka përcjellë ndjenjat trajnerit gjerman.
“Trajneri dhe unë kemi pasur disa biseda për atë që ai donte nga unë. I thashë se jam shumëdimensionale ,”- u shpreh ai për ‘ESPN Brazil’.
Më tej Lukaku i ka kërkuar Tuchel që të flasë me të sinqerisht: “Ka të bëjë me pak qartësi se si dëshiron të më përdorë dhe çfarë dëshiron nga unë . Mund të vrapoj nga pas, mund të shtyj para, mund ta mbaj topin. Ndaj mendoj se këto janë cilësi që i kam shtuar me kalimin e viteve në lojën time”./K.T/Gijotina.com
Discussion about this post