Trajneri i Elbasanit, Roberto Bordin, deklaron se ka anë pozitive në ndeshjen me Egnatian, pavarësisht humbjes 3-1. “Sipas meje skuadra ka bërë mirë. Në pjesën e dytë rrezikuam pak para golit të tyre, bëmë një ndeshje të mirë në të dy pjesët. Kemi bërë një ndeshje të mirë, siç e thashë. Nuk mund të shohim vetëm rezultatin, nëse sheh gjithë ndeshjen kemi bërë një ndeshje të mirë.
Djemtë kanë luajtur mirë për 90 minuta. Mbrojtja dhe pjesa tjetër e skuadrës me përjashtim të Dros, është e njëjta si me Tiranën. Kemi bërë mjaft mirë, ndaj janë dy ndeshje shumë të bukura. Kemi rikuperuar Kasën dhe Mustën në grupin e skuadrës. Te krosimet mjaftonte të ndiqnim kundërshtarët, të mos i linim të gjuanin, janë gabime individuale, që përkthehen në gabime reparti,. Ne mbuluam mirë fushën, me çdo modul që përdorëm. Në fund futëm Leon duke u munduar të kishim dy anësorë sulmi të lartë. Nuk është se u rrezikuam shumë me 3-5-2. Nuk ka një modul që jep fitoren e sigurt në një ndeshje.
Janë gjithmonë të njëjtit të dëmtuar prej javësh. Dëmtimet janë probleme se nuk ke lojtarë në dispozicion, por nëse ke një dëmtim në një traumë, është e vështirë ta menaxhosh, se ai është një lojtar kontakti. Por kemi rikuperime. Kemi bërë punë me ata që kemi patur në dispozicion padiskutim. Djemve u them të çojnë kokën lart, të shohin para se kemi bërë një paraqitje të mirë. Qartësisht kemi bërë gabime të vogla”, tha Bordin për RTSH pas ndeshjes.
Kampionët në fuqi zhbllokuan ndeshjen shpejt. Në minutën e 12-të, një top i bukur i Ramës për Lushkjën, shfrytëzohet në maksimum nga 28-vjeçari, i cili nga fare pranë ndëshkoi portën kundërshtare.
Skuadra nga Elbasani u kundërpërgjigj në minutën e 22-të. Lajthia realizoi me një të majtë nga brenda zone, duke ndezur festën mysafire. Pjesa e dytë ishte mjaft interesante, me rastet që ishin të shumta nga të dyja krahët.
Mesfushori i Egnatias, Lushkja kompletoi dopietën në minutën e 78-të, pas disa pasimesh shumë të bukura të skuadrës rrogozhinase. Në fund pati kohë edhe për një gol të Yahaya.
Egnatia për momentin renditet në vendin e dytë me 26 pikë, ndërsa Elbasani ndodhet në vendin e pestë me 18 pikë, në zonën ku mund të pretendojë të ngjitet në radhën e ekipeve të para të tabelës.
gijotina.com/
Discussion about this post