Vrasja në ndroq të Tiranës, identifikohet autori i krimit, me precedentë penalë! (EMRI)

Teksa Policia dhe grupi hetimor ndodhen në vendngjarje, duke nisur kërkimet për makinën tip “Benz ML” nga ku u qëllua Alfred Dedja pasditen e sotme, brenda një lokali në zonën e Ndroqit, pranë “Kështjella”, zbulohen detajet e para.

Uniformat blu, mbi bazën e provave paraprake kanë identifikuar autorin e dyshuar të krimit, Julian Gjoshi, 27 vjeç, nga Shijaku,që e shpallën në kërkim. Ai rezulton me precedentë të mëparshëm penalë për armëmbajtje pa leje.

Gjithashtu është ngritur edhe pista e parë e dyshuar. bëhet fjalë për prishje të paqareve të drogës, referuar të dhënave operative paraprake, por pa përjashtuar edhe motive të tjera, deri tek një grindje e çastit apo për shkaqe banale.