U aksidentua në Belsh, familja kërkon ndihmë për adoleshenten britanike që po lufton për jetën

Një adoleshente 18-vjeçare britanike po lufton për jetën në Shqipëri.

Mediat angleze shkruajnë se Pamela Mema u plagos në një aksident horror në Belsh, teksa kishte vizituar vendin tonë për të festuar ditëlindjen e motrës së saj.

Familja e saj ka hapur një llogari në GoFundMe dhe kërkon ndihmë për ta dërguar për trajtim në Londër.

“Tani duhet urgjentisht ta kthejmë Pamelën në shtëpi në Londër, në mënyrë që ajo të marrë kujdesin më të mirë mjekësor që i nevojitet me mjekët që kemi besim,” thotë familja, e cila kërkon që ajo të transportohet me një ambulancë ajrore.

Eshli Haxhiasllani, e cila organizoi mbledhjen e fondeve, shkroi: “Më 22 nëntor 2024, bukuroshja, inteligjente dhe e fortë Pamela Mema u aksidentua me makinë në fshatin Belsh të Shqipërisë, rrugës për të festuar 24-vjetorin e motrave të saj.

Deri tani janë mbledhur 75 mijë sterlina nga 100 mijë që nevojiten.