Akil Kraja, shef i kabinetit të kryetarit të PD-së ka folur për situatën e rëndë me investimet nga bashkia në Tiranë, duke theksuar se buxheti i bashkisë megjithëse është rreth 330 milionë euro, pra afro 1 milionë euro dita, nuk ka bërë punë në infrastrukturën publik, pasi po vidhet nga kryebashkiaku i saj Erion Veliaj dhe drejtorët e tij.
“Qytetarët e Tiranës duhet të ndërgjegjësohen së pari që buxheti i bashkisë së tyre është 1 milionë euro dita. Çfarë burimesh kemi. Shifrat flasin vetë më shumë se opinioni, besoj se shifrat janë elementi më objektiv. Buxheti i bashkisë së Tiranës është rreth 330 milionë euro. Pra është 1 milionë euro dita. Besoj se ky është elementi fillestar. Dhe nëse ndërtojmë, po flasim për rrugët.
Nga këto të ardhura, përfshihen 10 milionë euro të ardhura të cilat vetëm nga gjobat…330 mijë gjoba për parkimet në Tiranë në vit dhe në mos gaboj dhe diku 6 milionë vijnë më tarifat e parkimit. Pra 330 mijë gjoba dhe 3300 vende parkimi sjellin rreth 10 milionë euro të ardhura shtesë për bashkinë. Pra para ka pa fund. Janë të mbytur me para. Por çfarë ndodh. Rasti i 5D apo i rrugës Xhim Belushi tregonte se kemi rrugë të cilat shtrohen me tender por kostot shkojnë 6 herë. Pse ku shkojnë këto para. I bën stafi i bashkisë por bëhet një tender. E kështu me radhë. Nuk po bëj politike. Flasin shifrat. Po vidhen paratë. Vidhet hapësira publike. Vidhet cilësia e hapësirës publike.
Duhet thënë se Tirana ka një problematike. Erion Veliaj, po bëhen tashmë mbi 10 vite që është në krye të bashkisë. Por lejet e ndërtimit janë mbi 10 milionë metër katror. Pra zhvillimi struktural ka qenë i tillë që presioni i infrastrukturës publike ka qenë për të zhvilluar këto akset madhore. Unazat etj. Edhe këto me probleme, pasi rritja nuk ka qenë proporcionale me parashikimet kur janë bërë këto projekte, që janë bërë para 10 vitesh. Dhe për pasojë ne jemi prapë në një situatë, shikoni unza, ka 20 vite nuk ka mbaruar unaza, po themi segmenti që është nga ish’ Shqiponja’ deri tak ‘Pallati me Shigjeta’. Akoma dhe para pa fund. Dhe akoma një unazë nuk po mbaron.
Këtu flasim për miliona euro që abuzohen dhe nuk shkojnë për rrjetin dytësor. Pra kemi një dualitet, me mbi 10 milionë metër katrorë pallate të reja që kërkojnë infrastrukturën ndërlidhëse të qytetit dhe kemi banorë që paguajnë këtë buxhet që shkon 1, milionë euro në ditë dhe që nuk marrin dot shërbim sepse quhen, banorë të dorës së dytë sepse nuk është kjo kulla e re, nuk është ky aksi hyrës. Pra strukturalisht Tirana është në një kolaps. Me një vizion i cili është antibanor, anti qytetar, sepse objektivi kush është. Janë qëndra, kullat, pra janë qiradhënsit, të cilët në fund të fundit nuk janë banorë dhe që janë më shumë në periferi. Në lagje apo komunitete të ndryshme nga këto qëndrat e kullave të cilat janë me shumicë bë rastin e hoteleve apo apartamenteve me qera”, u shpreh ai.
Discussion about this post