Shtyhet seanca paraprake ndaj grupit të Laert Haxhiut

Seanca paraprake ndaj grupit të Laert Haxhiut, e caktuar për këtë të hënë, është shtyrë nga Gjykata e Posaçme. Ky vendim erdhi pasi avokatët e të pandehurit kërkuan më shumë kohë të njihen me dosjen.

Seanca e radhës u caktua më 16 Dhjetor, ora 14:00.

Laert Haxhiu është dënuar me burgim të përjetshëm për “Masakrën e Lushnjes” (një tjetër dosje). Pavarësisht apelimit nga ana e Laert Haxhiut, Apeli i GJKKO-së ka lënë në fuqi dënimin e shkallës së parë.

Ai është dënuar për një sërë veprash penale si “Grupi i strukturuar kriminal”, “Kryerja e veprave penale nga organizata kriminale ose grupi i strukturuar kriminal”, “Vrasja në rrethana të tjera cilësuese”, “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.