Trajneri i Arsenalit, Mikel Arteta do të humbasë ndeshjen e Premier League kundër Manchester City më 1 janar, pasi doli pozitiv për Covid-19 për herë të dytë.
Asistentët Albert Stuivenberg dhe Steve Round do të marrin përgjegjësinë në ‘Emirates Stadium’.
Calum Chambers, Cedric Soares, Takehiro Tomiyasu dhe Ainsley Maitland-Niles nuk ishin pjesë e fitores 5-0 ndaj Norëich më 26 dhjetor pasi rezultuan pozitivë.
“Mikel është duke u izoluar në përputhje me udhëzimet e qeverisë dhe ne i urojmë mirë”, thuhej në një deklaratë të Arsenalit, ndërsa për herë të parë Arteta u infektua në mars 2020.
Arsenali, i cili ka fituar katër ndeshjet e fundit në ligë, është i katërti në tabelë, 12 pikë prapa liderit, City.
Sulmuesi Pierre-Emerick Aubameyang, i cili është anashkaluar në katër ndeshjet e fundit në të gjitha garat pasi i është hequr shiriti i kapitenit, do të mungojë gjithashtu në ndeshjen kundër Manchester City./K.T/Gijotina.com
Discussion about this post