Kryegjyshi Botëror Bektashian, Haxhi Dedë Edmond Brahimaj është dekoruar nga shoqata atdhetare “Tomorri” me titullin më të lartë të nderit.
Në një ceremoni të zhvilluar në Akademinë e Shkencave, ku merrnin pjesë shumë figura të njohura publike, Baba Mondi u nderua me titullin e lartë nga kjo shoqatë për kontributin e tij të paçmuar për vendin dhe harmoninë fetare.
Shoqata Atdhetare Kulturore “Tomorri” në bashkëpunim me Akademinë e Shkencave i ka dorëzuar titullin “Nderi i Shoqatës Tomorri”, kryegjyshit Botëror Bektashian Shenjtërisë së tij, Haxhi Dede Baba Edmond Brahimaj, teksa është shfaqur dhe një dokumentar për veprimtarinë dhe figurën e kreut të bektashinjve.
Në fjalën e tij, Baba Mondi u shpreh i vlerësuar për këto nderime që iu bënë, ndërsa theksoi se Kryegjyshata Botërore Bektashiane qëndron në krah të vlerave.
Po ashtu, ai tha se Shoqata Tomorri në të gjithë veprimtarinë promovon vlerat intelektuale, krahinore dhe figurave patriotike që janë në jetën tonë të përditshme
“Jam i nderuar për këtë titull nderi kaq vlerësuar për ketë institucion që unë drejtoj, por edhe për mua personalisht.
Shoqata Tomorri në të gjithë veprimtarinë promovon vlerat intelektuale, krahinore dhe figurave patriotike që janë në jetën tonë të përditshme, por edhe atyre që janë ndarë nga jeta, por që kanë dhënë kontribut në këtë shoqatë.
Kryegjyshata Botërore Bektashiane ka qenë dashamirëse e veprimtarive dhe punëve me vlerë të shoqatës dhe angazhohet për të qenë në krah në promovimin e vlerave me rëndësi në kohet e vështira në të cilat jetojmë”, tha ndër të tjera Baba Mondi.
Discussion about this post