Nënkryetari i Partisë Demokratike dhe drejtuesi politik i kësaj force politike për Lezhën, Agron Gjekmarkaj ka denoncuar presionin e qeverisjes vendore ndaj punonjësve të tyre për të plotësuar formularë me emrat e njerëzve të afërt që janë në emigracion.
“Një thirrje të veçantë për SPAK, që mos të neglizhojë asnjë rast të dyshimtë, sa do i vogël në dukje të parë, pasi Lezha mbetet një ndër zonat me numrin më të lartë të krime elektorale që kanë deformuar vullnetin e sovranit. Nuk do të hezitojmë të denoncojmë zyrtarisht në SPAK çdo tenativë për manipulim të votës por edhe çeshtje të tjera me natyrë korruptive”, shkruan Gjekmarkaj.
Postimi
Qeveria në ikje dhe oborrtarët e saj në çdo sektor shtetërorë po përdorin presion mbi çdo punëmarrës për të manipuluar zgjedhjet e ardhshme. Si deputet dhe drejtues politik i Qarkut të Lezhës, i bëj thirrje organeve të hetimit të vejnë para drejtësisë personat përgjegjës.
Një thirrje të veçantë për SPAK, që mos të neglizhojë asnjë rast të dyshimtë, sa do i vogël në dukje të parë, pasi Lezha mbetet një ndër zonat me numrin më të lartë të krime elektorale që kanë deformuar vullnetin e sovranit. Nuk do të hezitojmë të denoncojmë zyrtarisht në SPAK çdo tentativë për manipulim të votës por edhe çështje të tjera me natyrë korruptive!
Rasti i fundit i denoncuar në media dëshmon se si përsona të njohur të dosjes 184, po vënë nën presion administratën për vota. Ulziu dhe Pjerini nuk e trembin dot vullnetin për ndryshim.
Po ashtu një thirrje për drejtuesit e administratës arsimore në Lezhe, Kurbin e Mirdite të zbatojnë ligjin dhe të mos shantazhojnë mësuesit për sjelljet apo bindjet e tyre politike në kohë të lirë! Janë aq arrogantë sa nuk i fshehin as gjurmët.
Ne do t’i ndalojmë, por detyra jonë së pari, është rruga ligjore, t’i denoncojmë!
Discussion about this post