Cristiano Ronaldo është një nga futbollistët më të mëdhenj në histori dhe ka admirues në mbarë botën e madje shumë shtete i kushtojnë nderime të veçanta.
Këtë gjë ka bërë edhe shteti Goa në Indi, që i ka ngritur një statujë yllit të Manchester United. Megjithatë, kjo nuk është pëlqyer shumë nga banorët dhe ka shkaktuar tensione.
Sipas “Corriere dello Sport,” Goa dëshironte të ngrinte monumentin si një shenjë frymëzimi për më të rinjtë. Me sa duket, shteti ishte një ish-koloni portugeze, megjithëse tani gëzon 60 vjet pavarësi, ruan disa lidhje me Portugalinë.
Ka qenë i tillë tensioni që ka shkaktuar statuja, saqë tashmë në prezantimin e saj ka pasur disa zënka. Gjatë inaugurimit, disa të pranishmit valëvitën flamuj të zi në shenjë proteste.
Discussion about this post