Koordinatori i Partisë Demokratike për Tiranën, Klevis Balliu deklaroi se lidhjet e kryebashkiakut të Tiranës, Erion Veliaj me mafien tashmë janë të provuara.
Ai tha se pavarësisht përgjimeve ku dalin lidhjet e Veliajt me mafien italiane Ndragheta, drejtësia në Shqipëri hesht. “Si ka mundësi që eksponentë të tillë të përfshirë në këto përgjime vazhdojnë të jenë me pushtet, vazhdojnë të jenë në krye të bashkisë, vazhdojnë të marrin tendera. Pra kjo është pjesa e habisë dhe prova që këtu nuk ka një sistem drejtësie, që këtu nuk ka një qeveri që lufton krimin, por përkundrazi kemi një qeveri e cila është e përfshirë në krim”, u shpreh ndër të tjera Balliu.
“Mendoj se është e qartë për të gjithë tashmë se të paktën ata që i kanë denoncuar prej kohësh, gazetarja zonja Kepi dhe opozita që e ka denoncuar këtë lidhje të Erion Veliajt me Ndraghetën. Nuk është më një tezë politike apo një teori konspirative. Tanimë është e faktuar. Përpos këtyre përgjimeve të mos harrojmë edhe Eco-Tiranën se edhe atje kemi një lidhje të Ndraghetës me Erion Veliajn, një biznes i cili ende vazhdon dhe siç ka edhe biznese të tjera të cilat vazhdojnë nga pastrimi i parave ne ndërtim…
Për lidhjet me Ndragheten e cila nuk është një gjë e vogël sepse është një nga organizatat më të frikshme kriminale që ka bota. Po kudo që janë këta kriminelë dhe këto kartele del Erion Veliaj me Edi Ramën. Një herë kemi Sinaloan, tani kemi Ndraghetën.
Dhe ajo çfarë bën përshtypje është se si ka mundësi që eksponentë të tillë të përfshirë në këto përgjime vazhdojnë të jenë me pushtet, vazhdojnë të jenë në krye të bashkisë, vazhdojnë të marrin tendera. Pra kjo është pjesa e habisë dhe prova që këtu nuk ka një sistem drejtësie, që këtu nuk ka një qeveri që lufton krimin, por përkundrazi kemi një qeveri e cila është e përfshirë në krim. I ka këto organizata ortake dhe partnere në biznesin e përditshëm të ekonomisë së vet personale për rritjen e llogarive bankare por edhe te pushtetit se duhet të kuptojmë se gjithë kjo lojë bëhet për mbajtjen e pushtetit. Këto para kaq të mëdha dhe ky bashkëveprim i pushtetit politik me pushtetin kriminal ka për qëllim mbajtjen e qeverisë në këmbë. Ka për qëllim ndalimin e fjalës së lirë për ti denoncuar ato e shumë e shumë gjëra të tjera.
Në këtë kontekst duhet të shikojmë me kujdes realitetin ku po jetojmë dhe çfarë ka prodhuar kjo. Edhe para dy ditësh me erdhi një mesazh se çfarë rëndësie ka kjo për qytetarët e thjeshtë. I gjithë ky biznes, përpos rritjes dhe shkatërrimit të demokracisë, por edhe rritjes së kriminalitetit në Shqipëri, pastrimit të parave, çfarë ka prodhuar. Për shkak të pastrimit të parave në ndërtimet e pallatave të Erion Veliajt, sot brezi i ri e ka të pamundur të blejë shtëpi me 3000 – 4000 euro metri katror. Dhe ato përgjime bëhet fjalë në 2019. SPAK ka nisur një investigim në 2021. Për t’i vërtetuar këto akuza ka dy raporte esenciale, shumë të rëndësishme. Një është raporti i 2022 i Ministrisë së Brendshme të Italisë, i cili tregon dhe fakton se si mafia shqiptare, politikanë të niveleve të larta në Shqipëri kanë lidhje direkte me organizatën kriminale Ndragheta. Raporti i dytë është raporti i antimafias italiane në vitin 2024 i cili përsëri fakton se si Ndragheta është futur në Shqipëri dhe bën biznes në Shqipëri dhe pastron paratë në Shqipëri….”, theksoi ai.
Discussion about this post