Shkrumbohet nga zjarri një banesë në Maliq, shpëtojnë mrekullisht familjarët

Një shtëpi në fshatin Vlocisht të bashkisë së Maliqit është djegur plotësisht nga zjarri.

Në momentin e zjarrit, brenda banesës ka patur familjarë të cilët për fatin e mirë kanë arritur të dalin pa marrë lëndime nga flakët që janë përhapur me shpejtësi.

Kryefamiljari ka rrëfye se ishte duke bërë mëngjesin kur kuptoi që shtëpia ishte përfshirë nga zjarri. Ai ka shkuar menjëher për të zgjuar 2 fëmijët që ishin ende ishin në gjumë dhe kanë arritur të dalin të sigurtë nga banesa.

Sipas policisë, kryefamiljari ka vepruar shpejt duke shmangur kështu një tragjedi, pasi flakët ishin të mëdha.

Paraprakisht, ekspertët e shërbimit zjarrfikës dyshojnë se zjarri mund të ketë ardhur nga një defekt në sistemin elektrik

Ka qënë shërbimi zjarrfikës I bashkisë së Maliqit ai që ka bërë të mundur izolimin e flakëve pa u përhapur në banesat e tjera ngjitur me atë të përfshirë nga zjarri.

Në vendin e ngjarjes ka mbërritur dhe kryebashkiaku Gëzim Topçiu i cili tha se do bëhet gjithçka për sistemin e familjes në një banesë tjetër.