Aksidenti i trefishtë në Sauk, humb jetën mjeku që mbeti i plagosur rëndë

Mjeku Vanion Cinari, i cili u aksidentua pasiten e të martës te rrethrrotullimi i Saukut ka ndërruar jetë.

Lajmin e kanë konfirmuar burime nga spitali i Traumës, ku 40 vjeçari ishte dërguar për mjekim.

Mjeku specializant në QSUT, Vanion Cinari, nuk ka mundur dot t’i shpëtojë plagëve të marra nga aksidenti

E plagosur mbeti 32-vjeçarja Alba Shehaj, e cila ndodhet jashtë rrezikut për jetën.

Shkaqet e aksidentit nuk janë konfirmuar ende, policia po punon për zbardhjen e plotë të ngjarjes.

Në lidhje me ngjarjen ka reaguar edhe Shoqata e Anestezistëve dhe Reanimatorëve të Shqipërisë (ASAI) që thotë se Çinari ishte një model korrektese dhe mirësie.

“Ditë e trishtë për shokët, kolegët, profesorët dhe gjithë personelin e QSUT. Me hidhërim të thellë njoftojmë se u nda nga ne një model korrektese dhe mirësie, Vanion Çinari, specializanti i Shërbimit të Anestezi-Reanimacionit! Ngushëllime të ndjera familjarëve, miqve dhe shokëve të Vanionit! U prehsh në paqe mik dhe koleg i shtrenjtë”, tha ASAI.