E ardhmja e Marash Kumbullës te Roma nuk është e sigurt dhe disa klube italiane kanë shfaqur interes për mbrojtësin shqiptar.
Së fundi në skenë është shfaqur edhe Fiorentina, megjithëse janë disa pengesa që për momentin nuk e lejojnë transferimin e tij.
Sipas “Gazzetta dello Sport”, e para është ardhja e një tjetër qendërmbrojtësi te Roma, për të plotësuar ekipin e Mourinhos për pjesën e mbetur të sezonit. E dyta është kostoja e transferimit.
Kumbulla u ble nga Verona për rreth 30 milionë euro dhe Roma nuk dëshiron të dalë me humbje nga shitja e tij. Por nëse do të vinte një ofertë e mirë Roma do ta mendonte, duke marrë parasysh se Mourino nuk ka konsideratat më të mira për shqiptarin.
Discussion about this post