Aksident i rëndë në Fier, furgoni i “Shqiponjave” përplaset me barrierën e rrugës

Një aksident i rëndë ka ndodhur në aksin rrugor Fier – Lushnjë, në vendin e quajtur Vajkan.

Një automjet i policisë është përplasur me mbrojtësen metalike.

Mësohet se furgoni i forcave “Shqiponja” është përplasur me barrierën mbrojtëse te autostradës, pasi një autoveturë i ka prerë rrugën dhe për të shmangur përplasjen me mjetin, ka goditur barrierën.

Burimet bëjnë te ditur se nuk ka persona të plagosur, por vetëm dëme materiale.

Në vendgjarje po kryhet ekspertiza e policisë për të zbardhur shkaqet e këtij aksidenti.