Përfshihet nga flakët një magazinë në Pogradec, “shkrumbohen” prodhimet bujqësore

Një godinë është përfshirë nga zjarri mëngjesin e kësaj të hëne në fshatin Buçimas (Starovë) të Pogradecit.

Nga informacionet paraprake mësohet se godina e përfshirë nga flakët shërbente si magazinë familjare me prodhime bujqësore.

Dyshohet se zjarri mund të jetë shkaktuar nga një masë elektrike, teksa ka dëmtuar të gjitha prodhimet bujqësore.

Forcat zjarrfikëse kanë mbërritur në vendin e ngjarjes dhe kanë izoluar flakët, teksa po punojnë për shuarjen e plotë të tyre.

Policia ka ngritur një grup hetimor, i cili po punon për zbardhjen e plotë të rrethanave të ngjarjes.