Aksident i rëndë në Tiranë, ndërron jetë 45-vjeçari

Një ngjarje e rëndë ka ndodhur pak më parë në Tiranë, ku një 45-vjeccar ka ndërruar jetë si pasojë e një aksidenti automobilistik.

Policia bën me dije se viktima ka qenë duke udhëtuar me makinë në aksin Vorë-Rinas ku dhe është aksidentuar.

Tiranë/Informacion paraprak

Më datë 23.12.2024, rreth orës 18:50, në aksin rrugor Vorë-Rinas, mjeti tip “Fiat” me drejtues shtetasin Q.H., 45 vjeç, është përplasur me mjetin tip “Audi” me drejtues shtetasin E.A.

Si pasojë e aksidentit, drejtuesi i mjetit “Fiat”, shtetasi Q.H., pasi u transportua në spital për ndihmë mjekësore, ka ndërruar jetë.

Grupi hetimor dhe shërbimet e Policisë ndodhen në vendngjarje dhe po punojnë për sqarimin e rrethanave të aksidentit.