Çfarë ndodhi? Shkrumbohen nga flakët tre autobusë gjatë natës në Tiranë

Tre autobusë të linjës së “Ish-uzinës Autotraktorëve” në Shkozë janë shkrumbuar nga flakët gjatë mesnatës.

Autobusët kanë qenë të parkuar në Shkozë te Ish-uzina.

Në fillim është përfshirë nga flakët vetëm njëri prej tyre, por flakët janë përhapur me shpejtësi duke shkrumbuar edhe dy autobusët e tjerë.

Grupi hetimor dhe policia ndodhen në vendngjarje dhe po punojnë për zbardhjen e rrethanave të zjarrit dhe shkakun e tyre.

Njoftimi i policisë:

Tiranë/ Informacion paraprak

Rreth orës 00:35, në rrugën Ali Demi, në parkingun e një firme private, dyshohet se për shkak të një defekti elektrik është përfshirë nga flakët 1 automjet (autobus linje) dhe si pasojë e shpërndarjes së flakëve janë djegur dhe dy automjete të tjera(autobusë linje).

Grupi hetimor po punon për sqarimin e plotë të rrethanave të shkakut të rënies së zjarrit.