“Presidenti ka mbyllur gojën”, Ngjela tregon se çdo të vendos gjykata për shkarkimin e Metës

Avokati Spartak Ngjela ka folur sot në lidhje me procesin për shkarkimin e presidentit Ilir Meta të nisur nga mazhoranca. Ai u shpreh gjatë një interviste televizive se shenjat janë që Gjykata Kushtetuese do ta shkarkojë presidentin Ilir Meta.

“Presim Gjykatën Kushtetuese, shenjat janë që do e heqin. Presidenti ka mbyllur gojën. Pse? Se ka frikë. Do presim vendimin pastaj do analizojmë çfarë do ndodhë. Po të shkarkohet, sipas nenit përkatës duhet të ketë shkelje të rëndë të Kushtetutës. Se Parlamenti e shkarkon, por nuk është në gradën të vendosë a është shkelja aq e rëndë, prandaj dhe pritet vendimi i Gjykatës”, tha Ngjela, duke theksuar se ata që Amerika nuk i do, një ditë do dalin para drejtësisë.