Në konferencën e fundvitit kryeministri Edi Rama i ka dalë në mbrojtje kryetarit të bashkisë së Tiranës, Erion Veliaj pas akuzave se zotëron një makinë super luksozë me vlerë rreth 200 mijë dollarë.
Rama i cilësoi akuzat si gënjeshtra pasi makina që qëndron e parkuar para institucionit në krye të së cilit është Veliaj dhe ka inicialet A.V., është e dikujt tjetër.
“Dita për mua prodhon më shumë gënjeshtra se sa të vërteta. Akuzohet kryetari i bashkisë së ka blerë një makinë luksi. Akuza merr dhenë. Gjithë dynjaja fillon shan ndërkohë që makina është e dikujt tjetër që e ka parkuar aty. Akuzohem unë se harxhoj 730 mijë euro në vit për avion. Akuza merr dhenë, fillojnë sharjet. Gënjeshtër fund e krye. Pa bravë fare. Këto janë lajmet me të cilat po ushqehen qytetarët shqiptarë”, tha Rama.
Discussion about this post