U përplas nga një automjet, ndërron jetë drejtuesi i motorit në Shkodër

Ka ndërruar jetë 48-vjeçari i cili u përfshi në një aksident rrugor mesditën e të hënës në fshatin Alijaj, të Shkodrës.

Shtetasi A. Rr., 47 vjeç, i cili po lëvizte me një motomjet u përplas nga automjeti i drejtuar nganjë 60-vjeçar, dhe si pasojë e plagëve të marra, ka ndërruar jetë në spital, në orët e para të mëngjesit të sotëm.

Policia ka arrestuar në flagrancë drejtuesin e mjetit ndërkohë që materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme.

“Në lidhje me informacionin e dhënë mesditën e djeshme, për një aksident në fshatin Alijaj, informojmë se Sektori i Policisë Rrugore bëri arrestimin në flagrancë të shtetasit S. P., 60 vjeç, pasi me automjetin që drejtonte, përplasi motomjetin me drejtues shtetasin A. Rr., 47 vjeç, i cili si pasojë, ka humbur jetën në spital, në orët e para të mëngjesit të sotëm”, njofton policia.