Jozi ka qenë banori i cili i dha fund rrugëtimit në Big Brother VIP si personazhi më pak i votuar pas një nominimi ‘kokë më kokë’ me Valbonën, Gertën dhe G Banin.
E ndodhur në një situatë të tillë, Valbona e keqardhur ka zgjedhur të ndërmarrë vendimin drastik duke thyer kutinë e emergjencës. Në zarfin brenda kutisë së emergjencës shkruhej “vajtje-ardhje”, çka do të thotë se nëse Valbona zgjidhte mund të shpëtonte Jozin.
E pyetur gjatë programit, Valbona është shprehur se: “Ledion, unë Jozin e kam shok dhe është shoku i vëllezërve të mi. Si motër e madhe, vëllezërit gjithmonë bëjnë gabime dhe do të doja që publiku të njoh anën e mirë të Jozit sepse nuk është ky ai që njoh unë jashtë dhe është një djalë plotë me vlera dhe një familje të mrekullueshme. Jozi nuk ka treguar asgjë nga jeta e tij, kështu që do t’ju lutesha të ma pranonit kërkesën time qoftë edhe me penalizimin që unë të dalë. Do të doja shumë që ju të njihni Jozin, dhe ti jepnit mundësinë që ai të njoh Lorin”– tha Valbona.
Jozi ka pranuar biletën vajtje-ardhje të Valbonës, duke u rikthyer në lojë. Ndërkohë, në vijimësi Ledioni ka bërë të qartë rregullat e thyerjes një kuti emergjence, duke shtuar se krahas së mirës, ka edhe një disavantazh.
Në leximin e zarfit, Valbona ka zbuluar se disavantazhi i vendimit të saj është një dënim kolektiv për banorët. Ata duhet të lënë biletat e fatit të Lori Caffe. “Askush prej jush nuk ka më bileta kthimi. Ky ishte dënimi i kutisë së emergjencës pas thyerjes nga Valbona, e cila theksoi se do ti japë një shans të dytë atij për t’u treguar ndryshe nga çështë treguar deri më tani në lojë”- tha Ledioni.
Në vijimësi një pjesë e banorëve është shprehur kundër vendimit të Valbonës që sakrifikojë biletat e të gjithëve./ tch
Discussion about this post