Tentoi të vidhte një automjet me karrotrecin e tij, arrestohet 31-vjeçari në Vlorë

Një 31-vjeçar në Vlorë ka rënë në prangat e policisë, pasi me karrotrecin e tij akuzohet se ka tentuar të vjedhë një automjet tip “Ford Focus”.

Sipas asaj që njofton policia ngjarja ka ndodhur në fshatin Panaja gjatë mbrëmjes së djeshme. Ndërkohë gjatë kontrollit të karrotrecit, Policia gjeti dy targa të një automjeti tjetër, të cilat dyshohet se ishin vjedhur një ditë më parë në qytetin e Vlorës.

Karrotreci, së bashku me targat e dyshuara si të vjedhura, u sekuestruan në cilësinë e provës materiale.