Ditën e hënë vendi ynë do të ndikohet nga kushte atmosferike relativisht të paqëndrueshme për shkak të masave ajrore të lagështa me origjinë veriperëndimore.
Moti parashikohet me kthjellime si dhe alternime vranësirash mesatare dhe hera-herës deri të dendura. Në orët e pasdites dhe mbrëmjes në zonën e veriperëndimit dhe jugperëndim vranësirat do të shoqërohen me reshje shiu të herëpashershme dhe intensitet të ulët. Në orët e mëngjesit mjegull e dendur dhe mjegullinë do të paraqitet në zonat luginore si dhe shikim i reduktuar në momentin e reshjeve të shiut.
Era do të fryjë me drejtim juglindje – jugperëndim me shpejtësi mesatare 2-12 m/sek, ndërsa përgjatë vijës bregdetare e lugina hera-herës pritet të fitojë shpejtësi dhe bëhet intensive 14-20 m/sek, shoqëruar me valëzimin në dete të forcës 4-5 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 0/8 | Diell re shi |
| Kukës | -1/6 | Diell re |
| Lezhë | 5/14 | Diell re |
| Dibër | -1/7 | Diell re |
| Durrës | 5/18 | Diell re |
| Tiranë | 6/18 | Diell re |
| Elbasan | 6/18 | Diell re |
| Berat | 5/18 | Diell re |
| Vlorë | 7/16 | Diell re |
| Korçë | 0/10 | Diell re |
| Gjirokastër | 5/16 | Diell re shi |
| Sarandë | 8/18 | Diell re |
Discussion about this post