Derbi i Romës nuk zhgënjen, duke përmbushur pritshmëritë në çdo drejtim. Stadiumi Olimpico ishte si një vullkan, që shpërtheu të paktën dy herë për fitoren 2-0 të Romës kundër Lazios.
Edhe pse pritej një përballje më delikate, të besuarit e Ranierit realizuan dy herë në minutat e para, fillimisht me Pellegrinin dhe më pas me Saelamakers. Lazio ishte e pafuqishme për të reaguar ndërsa minutat e fundit u karakterizuan nga përplasjet e ashpra në fushë. Ngjarje që kulmuan me kartonin e kuq të Castellanos, ndërsa para derbit policia italiane sekuestroi thika e shkopinj futbolli të ultrasve të Lazios të cilët ishin gati të përplaseshin.
Fitorja e Romës ndërkohë e futi në histori trajnerin e Romës Claudio Ranierin. Ky i fundit, u bë i pari trajner në historinë e derbit, që fiton 5 nga 5 ndeshjet ku ka marrë pjesë. Të pesta me Romën. Askush s’e kishte bërë diçka të tillë më parë.
Discussion about this post