Nottingham Forest është padyshim surpriza më e madhe e sezonit në Premier League. Me 40 pikë të grumbulluara në 20 ndeshje dhe vendi i tretë në renditje, kanë bërë që skuadra e Nuno Espirito Santo t’i mahnisë të gjithë.
Fitorja e pastër 3-0 ndaj Wolves, bëri që Nottingham të barazojë Arsenalin e vendit të dytë me pikë dhe të konfirmohet si një nga pretendentët e Liverpool për titullin.
Skuadra numëron gjashtë fitore radhazi, çka konfirmon se po kalojnë një moment të artë. Synimi kryesor është kualifikimin në Champions League, një objektiv që me formën e treguar duket mëse i arritshëm, të paktën sipas asaj që tregon historia.
Nga 70 skuadrat që kishin të paktën 40 pikë në 20 javët e para të kampionatit, vetëm katër kanë qenë jashtë katërshes së fundit në sezon, një statistikë që i jep shpresë Nottingham-it dhe tifozëve për të ëndërruar.
Discussion about this post