Kryetari i Partisë Demokratike Sali Berisha vizitoi sot në burg ish-deputetin demokrat, Ervin Salianji.
Pas takimit me Salianjin Berisha foli për mediat ku tregoi se çfarë diskutoi me demokratin e dënuar.
Berisha tha se me Salianjin diskutoi vazhdimin e betejës së PD, ndërsa tha se ai ndodhet në burg vetëm e vetëm se i shërbeu Shqipërisë.
“Erdha këtu dhe takova deputetin e Kuvendit të Shqipërisë, që dergjet, vuan dënimin vetëm e vetëm se i shërbeu vendit, iu shërbeu qytetarëve, kreu detyrën e tij, obligimet e tij duke denoncuar në atë kohë, klanin më të rrezikshëm e trafiqeve në Shqipëri, klanin e Geron Xhafës.
Ervin Salianji, siç dihet, bëri publike regjistrimin e një gazetari guximtar në të cilën faktohej se, Agron Xhafa, njeri dhe ai me tre emra, drejtonte trafiqet nga gjiri i Vlorës drejt Italisë.
Agron Xhafa kishte dy vëllezër. Një vëlla nga gjaku, Fatmir Xhafën, një vëlla tjetër nga morali, Olsi Ramën.
Kjo është e vërtëta.
Dhe, meqënëse, Salianji goditi me një të rënë dy klanet mafioze më të rrezikshme të Shqipërisë dhe të Ballkanit, klanin Rama dhe klanin Xhafa, u vërsulën kundër tij me të gjitha mjetet e mafies dhe sot ai vuan dënimin për shërbimin e madh dhe të çmuar që i bëri Shqipërisë.
Në vend të tij, këtu duhet të ishtë Fatmir Xhafa dhe Olsi Rama, për të mos thënë absolutisht dhe Edi Rama vetë.
Krimi dhe shteti janë sipërmarrje e përbashkët. Në mënyrë absolute, drejtësia do të kishte mbështetjen e PD si parti e shtetit ligjor, nëse kjo drejtësi nuk do bëhej një mashë e vërtetë politike.
Me akuzën se ka bërë kallëzim të rremë, kur në prokurori s’ka bërë asnjë kallëzim. Drejtësia është një mashë në duart e diktaturës. Janë Shqipëria ka një drejtësi të kontrolluar. Është palë në bllokimin e rotacionit. Nuk është vlerësimi Berishës, por i qendrës kombëtare demokrate.
Përmbysja e diktaturës është misioni që unë kam deri në fund të jetës sime”, tha Berisha.
I pyetur se çfarë dhurate i bëri Salianjit, Berisha tregon se i dha dy libra, një prej të cilëve me autor Franc Kafka.
Discussion about this post