Barcelona-Real Madrid do të jetë finalja e Superkupës së Spanjës, me dy skuadrat që do të duelojnë pas tre ditësh për trofeun në Arabinë Saudite.
Katalanasit kaluan të mërkurën në darkë Athletic Bilbaon, ndërsa madrilenët mposhtën të enjten Mallorca me shifrat 3-0, shkruan A2.
Ekipi i Carlo Ancelotti dominoi plotësisht sfidën, duke iu afruar shumë herë golit, por e gjeti atë vetëm në pjesën e dytë, kur Bellingham më në fund mposhti “murin” e ngritur nga mbrojtja e skuadrës së Vedat Muriqit.
Golat e tjerë do të vinin vetëm në shtesë, me një autogol të Valjent të “gatuar” nga Brahim Diaz e më pas me rrjetën e tundur nga Rodrygo, i cili vulosi suksesin 3-0.
Discussion about this post