Dhjetë persona kanë humbur jetën pas rrëzimit të një avioni të vogël në veriperëndim të Kolumbisë. Mediat bëjnë me dije se mes viktimave ishin 5 anëtarë të një familjeje.
Guvernatori i provincës Antioquia, Andrés Julián Redon, njoftoi se “asnjë të mbijetuar nuk u gjet” në rrënojat. Avioni u ngrit të mërkurën nga Jurado, një qytet në provincën e varfër të Choco, pranë kufirit me Panamanë, me destinacion Medellín.
Kontrollorët e trafikut ajror humbën kontaktet po atë ditë. Një hetim për shkakun e rrëzimit tashmë është duke u zhvilluar. Mes viktimave ishin tre të mitur dhe dy anëtarë të ekuipazhit.
Në shumë zona të izoluara të Kolumbisë, transporti bëhet me avionë të vegjël privatë dhe aksidentet janë një dukuri e shpeshtë.
Discussion about this post